اوکاڑہ (24 نیوز اردو) پنجاب کے ضلع اوکاڑہ میں گذشتہ 24 گھنٹوں کے دوران تیسرے نومولود بچے کی لاش ملی ہے،پولیس نے لاشیں پھینک کر فرار ہونے والے ملزمان کی تلاش شروع کر دی۔
اوکاڑہ میں نومولود بچوں کو قتل کرکے لاشیں پھینکنے کا انکشاف ہوا ہے۔ تفصیلات کے مطابق پنجاب کے ضلع اوکاڑہ میں گذشتہ 24 گھنٹوں کے دوران تیسرے نومولود بچے کی لاش ملی ہے۔ پولیس نے لاشیں پھینک کر فرار ہونے والے ملزمان کی تلاش شروع کر دی۔پولیس کا کہنا ہے کہ سب سے پہلے اوکاڑہ کے محلہ پیر اسلام کے ایک پلاٹ سے بچے کی لاش برآمدہوئی جس کے بعد محلہ صدیق نگر میں واقع ایک گھر کی چھت سے نومولود بچی کی لاش ملی۔
جب کہ حجرہ شاہ مقیم سے تیسری لاش برآمد ہوئی ۔ پولیس نے بچوں کو مارنے والوں اور ان کی لاشیں سرعام پھیکنے والے ملزمان کے لیے مختلف شہروں میں چھاپے مارنا شروع کر دئیے ہیں۔