کراچی (24 نیوز اردو) : پاکستان کی مشہور ومعروف ٹک ٹاکر اور اداکارہ حریم شاہ کی شیخ رشید سے دوستی کیسے ہوئی تھی، حریم شاہ نے تفصیلات بتا دیں۔ تفصیلات کے مطابق لندن میں پاکستانی کمیونٹی سے گفتگو کرتے ہوئے ٹک ٹاکر حریم شاہ نے بتایا کہ آج سے تقریباً چھ سے سات سال پہلے ایک محفل میں شیخ رشید سے ملاقات ہوئی تھی۔ میں نے تقریب میں شیخ رشید سے کہا کہ میں آپ کی بہت بڑی فین ہوں تو وہ میری سُن کر پیچھے مڑے اور مجھے اپنا نمبر لکھوادیا۔
حریم شاہ نے پاکستانی کمیونٹی سے بات چیت کرتے ہوئے یہ دعویٰ بھی کا کہ نمبر لکھوانے کے بعد وفاقی وزیر شیخ رشید نے مجھ سے کہا کہ مجھے مِس کال دے دو ۔ اس مِس کال کے بعد میری اور شیخ رشید کی دوستی ہو گئی ۔ حریم شاہ نے مزید کہا کہ ہماری دوستی صرف فون تک ہی محدود نہیں رہی بلکہ شیخ رشید نے مجھے متعدد مرتبہ لاہور اور لال حویلی کی دعوت بھی دی ہے۔
یاد رہے کہ شیخ رشید سے دوستی سے متعلق ٹک ٹاکر حریم شاہ اس سے قبل بھی بہت سے بیانات دے چکی ہیں۔ پرائویٹ ٹی وی چینل سے بات کرتے ہوئے ٹک ٹاکر حریم شاہ نے کہا کہ شیخ رشید اور میرا رشتہ چھ سال پُرانا ہے۔ انہوں نے کہا کہ شیخ رشید میرے دوست ہیں، ہم ایک دوسرے کو چھ سات سال سے جانتے ہیں ، اسی لیے ہماری انڈراسٹینڈنگ بھی ہے۔ شیخ رشید کی عمر کافی ہے لیکن اُن کا دل ابھی بھی جوان ہے۔
جبکہ سیاستدانوں سے متعلق پوچھے جانے والے ایک سوالات کے جواب میں حریم شاہ نے کہا تھا کہ چیئرمین پیپلز پارٹی بلاول بھٹو میرے پسندیدہ سیاستدان ہیں جبکہ فیاض الحسن چوہان میرے ناپسندیدہ ہیں۔ حریم شاہ نے کہا کہ مجھے سوشل میڈیا پر فحاشی کا ذمہ دار نہ ٹھہرایا جائے کیونکہ اداکارائیں مجھ سے زیادہ نازیبا لباس پہنتی ہیں۔
Leave a Reply