اسلام آباد (24 نیوز اردو) ملک بھر میں کورونا وائرس کی نئی قسم کے پھیلاؤ میں دن بدن تیزی دیکھنے میں آ رہی ہے ، یہی وجہ ہے کہ کورونا وائرس کے کیسز کی شرح میںروز بہ روز اضافہ ہو رہا ہے۔ گذشتہ 24 گھنٹے کے دوران مثبت کیسز کی شرح 7.36 فیصد ریکارڈ کی گئی۔ کورونا وائرس سے 7 افراد جان کی بازی ہار گئے، جس کے بعد اموات کی تعداد 28 ہزار 999 ہوچکی ہے۔
پاکستان میں کورونا وائرس کے تصدیق شدہ کیسز کی تعداد 13 لاکھ 15 ہزار 834 ہوہوچکی ہے۔ نیشنل کمانڈ اینڈ آپریشن سینٹر کے تازہ اعدادوشمار کے مطابق گذشتہ 24 گھنٹوں کے دوران 3 ہزار 567 نئے کیسز رپورٹ ہوئے، پنجاب میں 4 لاکھ 50 ہزار 686، سندھ میں 4 لاکھ 94 ہزار 64، خیبرپختونخوا میں ایک لاکھ 81 ہزار 996، بلوچستان میں 33 ہزار 682، گلگت بلتستان میں 10 ہزار 437، اسلام آباد میں ایک لاکھ 10 ہزار 243 جبکہ آزاد کشمیر میں 34 ہزار 726 کیسز رپورٹ ہوچکے ہے۔
ملک بھر میں اب تک 2 کروڑ 40 لاکھ 32 ہزار 951 افراد کے ٹیسٹ کئے گئے، گذشتہ 24 گھنٹوں کے دوران 48 ہزار 449 نئے ٹیسٹ کئے گئے، اب تک 12 لاکھ 60 ہزار 407 مریض صحتیاب ہوچکے ہیں جبکہ 675 مریضوں کی حالت تشویشناک ہے۔ دوسری جانب ملک میں اومی کرون کے پھیلاؤ میں بھی تیزی دیکھنے میں آئی ۔ یاد رہے کہ گذشتہ روز کورونا کے علاج کے لئے چینی دوا کے کامیاب ٹرائیل کی تکمیل کا اعلان پیر کو ہوگا۔
ڈاکٹر پنجوانی سینٹر برائے مالیکیولر میڈیسن اور ڈرگ ریسرچ جامعہ کراچی کے سینٹر فار بائیوایکویلینس اسٹڈیز اینڈ کلینکل ریسرچ کے تحت کویڈ19 کے مریضوں کے علاج کے لئے ٹریڈیشنل چائینیز میڈیسن ’جن ہُوا قنجن گرینولس‘ کا پہلی مرتبہ کامیاب کیلنکل ٹرائیل کا اعلان پیر (17 جنوری) کی صبح بین الاقوامی مرکز برائے کیمیائی و حیاتیاتی علوم جامعہ کراچی میں ایک تقریب کے دوران کیا جائے گا۔